Liverpool pakkaferðirnar okkar eru eru almennt í flugi með Play til Liverpool. Flogið út með morgunflugi á föstudögum og heim í hádeginu á mánudögum nema annað sé tekið fram.
Í örfáum tilfellum er flogið með Icelandair til Manchester.
Gist er á Delta Hotels by Marriott Liverpool City Centre, gott 4 stjörnu hóteli í miðborg Liverpool.
Frekari upplýsingar veitum við í gegnum netfangið sport@verditravel.is eða í gegnum síma 460-0620.
Hvað er innifalið?
Í flest öllum pakkaferðum okkar er eftirtalið innifalið;
Flug ásamt sköttum og innritaðri tösku, gisting með morgunverði á Delta Hotels by Marriott Liverpool City Centre, miði á leikinn, akstur til og frá flugvelli og íslensk fararstjórn.
Ferðir sem ekki innihalda einhvern af upptöldum þjónustuþáttum verða sérmerktar og ætti ekki að fara fram hjá fólki.
Farþegar fá senda ferðalýsingu c.a. 2 vikum fyrir brottför og í þeirri lýsingu koma nánari upplýsingar fram.
Þegar flogið er með Play er innifalin innrituð taska og lítill bakpoki í handfarangur (20 kg taska innrituð),
Þegar flogið er með Icelandair er innifalin innrituð taska og handfarangurstaska (23 kg taska innrituð).
Ekki er hægt að greiða fyrir ferðirnar með vildarpunktum Icelandair, en farþegar í vildarklúbbnum fá vildarpunkta fyrir Icelandairflugið í ferðunum.
Upplýsingar um flug:
Play flug til Liverpool:
Brottfarir fram til 30. október, þegar klukkan er sú sama:
KEF - LPL Fös. 06:35 - 10:10 OG810
LPL - KEF Mán. 11:45 - 13:30 OG811
Brottfarir eftir 31. október, þegar klukkan breytist:
KEF - LPL Fös. 07:00 - 09:35 OG810
LPL - KEF Mán. 10:55 - 13:40 OG811
Icelandair flug til Manchester:
Brottfarir fram til 30. október, þegar klukkan er sú sama:
KEF - MAN Fös. 08:00 - 11:40 FI440
MAN - KEF Mán. 13:05 - 14:50 FI441
Brottfarir eftir 31. október, þegar klukkan breytist:
KEF - MAN Fös. 08:00 - 10:45 FI440
MAN - KEF Mán. 11:55 - 14:45 FI441
Farangursheimild í flug:
Icelandair: 23 kg innrituð taska og handfarangur.
Play: 20 kg innrituð taska og lítill bakpoki í handfarangur.
Verðin í ferðirnar eru miðuð við að ferðirnar séu bókaðar og greiddar á netinu.
ETA - Rafrænt ferðaleyfi til Bretlands (eftir 2.apríl 2025)
Frá og með 2. apríl 2025 þurfa Íslendingar á leið til Bretlands að hafa sótt um rafrænt ferðaleyfi (ETA, Electronic Travel Authorisation) áður en þeir ferðast en opnað verður fyrir umsóknir 5. mars 2025.
Íslenskum og öðrum erlendum ríkisborgurum, sem ekki hafa dvalarleyfi í Bretlandi, verður skylt að hafa fengið ETA áður en þeir ferðast til Bretlands óháð því hvort lokaáfangastaður sé Bretland eða um millilendingu sé að ræða. Þetta á bæði við um þá sem ferðast til Bretlands í einkaerindum og styttri vinnuheimsóknum.
ETA kostar GBP 10 og gildir í tvö ár frá útgáfudegi eða þar til vegabréf viðkomandi rennur út ef það er innan þessara tveggja ára. Auðveldast er að sækja um ETA með „UK ETA app“ smáforriti, fyrir iPhone og Android síma, en einnig er hægt að sækja um á vefsíðu breskra stjórnvalda, GOV.UK.
Sjá hér upplýsingar frá Stjórnarráði Íslands
ETA umsóknir sem og önnur ferðaleyfi eru ávallt á ábyrgð farþegans.