Pílagrímsganga um Val D´orcia í Toscana

Verdi Travel og Göngu-Hrólfur skipuleggja magnaða ferð í gegnum slóðir pílagríma. Einstakt umhverfi og skemmtileg ferð sem enginn ætti að láta framhjá sér fara.

Í þessari ferð verður farið í fótspor Nikulásar ábóta frá Munkaþverá “Munkaþverárleið”. Nikulás gekk til Rómar frá Íslandi og lýsti leiðinni í ritinu “Leiðarvísir og borgarskipulag” árið 1154. Meðal annars er gengið um dalinn meðfram Orcia ánni sem var samþykktur á lista UNESCO 2004. Þetta menningarlandslag er einstakt dæmi um fagurfræði og landmótun endurreisnarinnar, mótun landsins hefur haft áhrif á landslagsskipulag fram á okkar dag.